Mbrojtësi i Bayern Munchen, David Alaba, duket gati për një aventurë të re. Pas shumë viteve si lojtar i bavarezëve, austriaku me shumë gjasa do të largohet gjatë merkatos së verës dhe ofertat për të, nuk mungojnë.
Barcelona, Chelsea dhe Arsenal janë vetëm tre nga disa skuadrat që interesohen për kartonin e mëngjarashit, që mund të mbulojë disa pozicione në mbrojtje dhe në mesfushë.
Alaba vetë ka pranuar që është një admirues i Arsenalit, por kërkon të luajë në Champions League, diçka që Barcelona dhe Chelsea ia ofrojnë. Madje, Alaba do të kishte dhe një vend titullari në këto dy skuadra, pasi Marcos Alonso (Chelsea) dhe Jordi Alba (Barcelona), mund të largohen./abcnews.al
