Grekët akuzojnë se një “breshëri” e re sfidash mbi Egje u bë sot nga forcat ajrore turke.
Lexo edhe: Turqia bën lëvizjen surprizë, gati lëshimi i 87 anijeve dhe avionëve luftarakë në Egje
Vetëm disa orë pas kërcënimeve të reja të Rexhep Tajip Erdogan se Turqia do të ishte vazhdimisht e pranishme në “detin e ishujve” siç ai e quajti Egjeun dhe Mesdheun Lindor, Athina thotë se Ankaraja kreu 30 shkelje të hapësirës ajrore. Mediat në Athinë theksojnë se avionët grekë ishin në gatishmëri.
“Dy avionë turq “F-16” dhe dy “ATR 72” fluturuan sot mbi Egjeun Verilindor, Qendror dhe Juglindor. Avionët turq u identifikuan dhe u përgjuan në përputhje me rregullat ndërkombëtare, sipas praktikës së vendosur” shkruajnë mediat greke.
Tensionet e forta janë rikthyer mes dy vendeve pasi Ankaraja nxori në lundrim anijen kërkimore “Cesme” e cila u largua sot nga Egjeu, por që në ditët në vijim Turqia pritet që të nisë një stërvitje të madhe ushtarake për t’i treguar forcën Greqisë./ db/ Abcnews.al
