Avantazhet e trajtimit të kancerit të gjirit me sistemin “TrueBeam High Definition Radioterapi”

schedule15:00 - 3 Nëntor, 2020

schedule 15:00 - 3 Nëntor, 2020

Kanceri i gjirit është ndër patologjitë malinje më të përhapura te gratë, sidomos te ato mbi 40 vjeç, duke zënë vendin e parë për nga vdekshmëria. Prandaj dhe rëndësi maksimale i kushtohet diagnostikimit të hershëm të kësaj patologjie si mënyra më e mirë për parandalimin dhe trajtimin e suksesshëm të saj.

Në varësi të stadit të diagnostikimit të kancerit të gjirit kemi edhe mënyra të ndryshme të trajtimit ose edhe kombinime të disa trajtimeve bashkë siç janë: Kirurgjia, Kimioterapia, Radioterapia.

Çfarë është dhe në cilat raste aplikohet Radioterapia për trajtimine Kancerit të gjirit?

Radioterapia përdoret për të trajtuar Kancerin e gjirit në pothuajse të gjitha stadet (fazat) e tij. Terapia me rrezatim (siç e njohim ndryshe trajtimin me Radioterapi) është një mënyrë efektive për të minimizuar rrezikun e rishfaqjes së Kancerit të gjirit (duke vrarë qelizat tumorale) pasi është kryer kirurgjia për heqjen e masës tumorale në gji.

Po kështu Radioterapia është shumë efektive dhe gjen aplikim edhe për të lehtësuar simptomat e shkaktuara nga përhapja e kancerit në pjesë të tjera të trupit i cili njihet si kanceri metastatic i gjirit.

Ja disa nga rastet kur rekomandohet trajtimi me Radioterapi i Kancerit të gjirit:

1- Pas Lumpektomisë – Kirurgjia që heq masën tumorale dhe ruan gjirin. Zakonisht pas një kirurgjie të tillë rekomandohet trajtimi me Radioterapi, trajtim ky që synon nëpërmjet rrezatimit shkatërrimin e qelizave tumorale të mbetura duke evituar kështu rishfaqjen e Kancerit që mund të ndodhë muaj ose vite pas operacionit për shkak të këtyre qelizave të mbetura nga operacioni.

2- Pas Mastektomisë – Kirurgjia për heqjen totale të gjirit dhe që aplikohet në rastet kur masa tumorale në gji është shumë e madhe në raport me gjirin. Heqja totale e gjirit nuk eliminon rrezikun e rishfaqjes së kanceri në indet e mbetura në murin e gjoksit ose nyjeve limfatike. Duke qenë se rreziku i përsëritjes pas mastektomisë është mjaft i lartë që pas kësaj Kirurgjie të aplikohet trajtimi me Radioterapi e cila në këtë rast quhet terapi rrezatimi post-mastektomi që si edhe në rastin e parë synon të eliminojë qelizat kancerogjene të mbetura pas operacionit me qëllim rishfaqjen më vonë të kancerit.

3- Në rastet e Kancerittë gjirit të avancuar lokalisht dhe përkatëshit:

3.1- Kancerin e gjirit që nuk mund të hiqet në rrugë kirurgjikale

3.2- Kanceri inflamator i gjirit që është një lloj agresiv i kancerit që përhapet në kanalet limfatike të lëkurës që mbulon gjirin. Personat e prekur nga ky tip kanceri fillimisht ju rekomandohet trajtimi nëpërmjet Kimioterapisë, më pas Mastektomia dhe në fund aplikohet trajtimi me Radioterapi, gjithmonë për të minimizuar në maksimum mundësinë e rishfaqjes së sëmundjes.

Me avancimin çdo ditë e më shumë të mjekësisë janë përmirësuar edhe trajtimet e kimioterapisë& radioterapisë, kanë dalë dhe po aplikohen medikamente të reja për targetterapi dhe imunoterapi, duke bërë kështu të mundur rritjen e mbijetesës te këto paciente.

Teknikat bashkëkohore të radioterapisë bëjnë të mundur që gjatë rrezatimit të ruhet në mënyrë maksimale zemra dhe mushkëria, pra në këtë mënyrë pacientja pas disa vitesh, nuk do të ketë probleme me zemrën edhe mushkrinë si rrjedhojë e rrezatimit të marrë gjatë trajtimit, gjë që mund të ndodhë gjatënëse trajtimi me radioterapi do të bëhej me teknikat më të vjetra.

Kjo është edhe arsyeja pse Spitali Hygeia prioritet maksimal ka investimin në teknologjinë më të fundit & bashkëkohore mjekësore dhe kjo vlen edhe për Shërbimin e Radioterapisë ku së fundmi është investuar në futjen e një prej sistemeve më bashkëkohorë siç janë Akseleratorët Linearë TrueBeam High Definition Radioterapi System.

Ky sistem është i dizenjuar enkas për trajtimin me preçizion maksimal dhe kohëzgjatje trajtimi shumë të shkurtër të të gjitha tipeve të kancerit, edhe ata më të vështirët për t’u arritur, në çdo pjesë të trupit, duke sjellë kështu një sërë avantazhesh për pacientët e trajtuar.

Në rastin e Kancerit të Gjirit ky sistem, pra TrueBeam High Definition Radioterapi System përdor skanerin 4D, duke kontrolluar gjatë trajtimit pozicionine tumorit apo organeve të tjera. Në këtë mënyrë sistemi trajton vetëm zonën e përcaktuar nga mjeku, duke ruajtur në maksimum zemrën dhe mushkrinë. Kështu që pas këtij trajtimi nuk priten të ketë efekte anësore mbi zemrën apo mushkrinë, ndrysha nga trajtimi i realizuar me teknika më tëvjetra.

Dr.Ledio Bregu
Onkolog-Radioterapeut/Spitali Hygeia
Kontakto: 04 23 90 000