Një persona ka humbur jetën dhe tre të tjerë janë plagosur pasditen e kësaj të marte si pasojë e të shtënave me armë zjarri në një lokal në zonën e Don Boskos në Tiranë.
Burime për abcnews.al bëjnë me dije se ngjarja ka ndodhur në një lokal, ku mësohet se autorët kanë qëlluar nga jashtë lokalit në drejtim të tavolinës ku kanë qenë ulur viktima dhe të plagosurit.
LEXO EDHE: EKSKLUZIVE/ Momenti kur nxirret viktima dhe të plagosurit nga lokali në “Don Bosko”
Ndër të tjera mësohet se viktima ka ndërruar jetë në vend si pasojë e plagëve, ndërsa të plagosurit janë transportuar drejt spitalit të Traumës ku po marrin ndihmë mjekësore.
Ndërkaq deri më tani nuk ka asnjë informacion në lidhje me identitetin e viktimës dhe të plagosurve.
Ndërkohë që nga pamjet e siguruara nga vendngjarja shihet një prani e madhe e forcave të policisë në zonë, si dhe prania e autoambulancave./abcnews.al
