viktime

videoo.gif
eri Ida12:35 | 02/04/2020

Ka shkuar në 30 numri i personave të infektuar nga koronavirusi në Durrës.  Ndërkohë një tjetër viktimë është shënuar këtë të enjte në vendin tonë, ai është një 78 vjeçar nga Durrësi duke e çuar në 3 numrin e viktimave në këtë qytet dhe në 16 numrin e atyre që kanë humbur jetën në Shqipëri nga Covid 19.

Mësohet se nuk do të përcillet në banesën e fundit nga bashkëshortja e tij të cilës nuk arriti ti linte dot asnjë amanet. Edhe ajo një ditë më parë rezultoi pozitive. 78 vjeçari vdiq I vetëm në dhomën e spitalit, mbylli sytë pa parë një fytyrë familjare.

Gazetari Leonidha Musaj ka raportuar për Abc News se rasti i ri i konfirmuar këtë të enjte në Durrës është një person 60 vjeçar i cili ka pas kontakte me persona të infektuar.

Gjithashtu gazetari i abcnews.al ka bërë me dije ndër të tjera se një tjetër 60 vjeçar është konfirmuar pozitiv me Covid 19 në Kavajë duke e çuar në 6 numrin e personave të infektuar në këtë qytet.

Ndërkohë deri më tani fatmirësisht mësohet se gjendja e personave të konfirmuar pozitiv me koronavirus në Durrës dhe në Kavajë janë në gjendje të mirë shëndetsore. /abcnews.al

1585179914_1584223249infektivi-1.jpg
eri Ida11:05 | 31/03/2020

Rritet numri i viktimave nga koronavirusi në Shqipëri, një 62 vjeçar ka humbur jetën duke e çuar në 13 numrin e viktimave.

Ministria e Shëndetsisë bën me dije se mëngjesin e kësaj të marte ka mundur jetën një 62 vjeçar nga Durrësi, të konfirmuar me COVID-19, me sëmundje bashkëshoqëruese.

Ndërkohë mbrëmjen e kaluar ka ndërruar jetë në spitalin Infektiv një paciente 82-vjeçare nga Tirana.

Ndërsa numri i përgjithshëm i personave të konfirmuar pozitiv me koronavirus në vendin tonë është 243 persona dhe 52 të tjerë janë shëruar. /abcnews.al

merlin_169905456_c2bf98c3-c590-454e-94f2-f7d4dbba93dd-articleLarge.jpg
Sid Orela17:09 | 29/03/2020

Një djalë 14-vjeçar nga Portugalia besohet të jetë një nga personat më të rinj në moshë që kanë ndërruar jetë si pasojë e koronavirusit në Evorpë. Adoleshenti nga Ovari, raportohet të ketë ndërruar jetë në orët e para të së dielës pasi u dërgua me urgjencë në spitalin Sao Sebastiao.

Thuhet se 14-vjeçar vuante nga psoriaza, por veç kësaj nuk ka pasur probleme të tjera madhore shëndeti. Lajmi për vdekjen e tij vjen shumë pak ditë pasi një 16-vjeçare franceze që quhej Julie Alliot ndërroi jetë si pasojë e koronavirusit, shkruan abcnews.al

Edhe adoleshentja franceze nuk kishte pasur probleme të mëparshme shëndetësore. Si fillim ajo kishte pasur vetëm një kollë të lehtë dhe më pas gjendja e saj u përkeqësua.

Nuk dihet ende identiteti i adoleshentit portugez, ndërsa mediat raportojnë se mjekët vendosin të mos ta transferonin tek një spital pediatrik pasi ndodhej në gjendje të rëndë dhe nuk e dinin nëse mund ta përballonte udhëtimin.

Përpara këtij rasti tragjik, Alliot ishte viktima më e re në moshë nga koronavirusi në Evropë. /abcnews.al

GettyImages-1212667854-1280x720.jpg
eri Ida07:53 | 29/03/2020

Një fëmijë një vjeç ka humbur jetën në Shtetet e Bashkuara të Amerikës pasi është konfirmuar me koronavirus.

Mediat ndërkombëtare bëjnë me dije se Departamenti i Shëndetit Publik i Illinois (IDPH), në Çikago ka raportuar humbjen e fëmijës të cilët kanë theksuar zyrtarisht se fëmija ishte prekur nga koronavirusi, megjithatë Covid-19 nuk është përcaktuar ende si shkaku përfundimtar i vdekjes.

“Kjo është hera e parë që një foshnje e infektuar nga Covid-19 vdes”, tha drejtori i IDPH, Dr. Ngozi Ezike në një deklaratë. Ndërkohë deri më tani fëmijët dhe foshnjat nuk janë konsideruar të ekspozuar ndaj rrezikut nga Covid-19./abcnews.al

spital-770x450-1.png
eri Ida22:20 | 27/03/2020

Një 72 vjeçare nga Vlora nuk i ka mbijetuar sfidës me koronavirusin, ajo është viktima e dytë brenda ditës së sotme pas një 66 vjeçari nga Roskoveci që humbi jetën mëngjesin e kësaj të premteje.

Ministria e Shëndetësisë bën me dije se 72 vjeçarja prej dy ditësh ndodhej në terapi itensive në ambjentet e Infektivit, por fatkeqësisht nuk ka arritur të mbijetojë. Pacienta mesohet se vuante nga hipertensioni. Viktima nga Vlora ishte pjestare e familjes që ka katër raste me COVID 19, ku aktualisht ndodhen të shtruar ne spital djali, vjerra dhe bashkëshorti i saj.

Deri më tani në vendin tonë kanë humbur jetën 9 persona nga koronavirusi dhe 186 persona të tjerë janë konfirmuar pozitiv.

Njoftimi i ministrisë:

Ndërron jetë në spitalin infektiv pacientja 52-vjeçare, viktima e 9 me COVID-19 në Shqipëri

Mbrëmjen e sotme ka ndërruar jetë në spitalin Infektiv një paciente 52-vjeçare nga Vlora, e konfirmuar me COVID-19.

52-vjeçarja ishte e shtruar prej katër ditësh në spitalin infektiv në QSUT, ndërsa dy ditët e fundit gjendja e saj ishte rënduar dhe po trajtohej në terapi intensive. Pavarësisht përpjekjeve të stafit mjekësor, pacientja që vuante nga hipertensioni, nuk arriti të mbijetojë.

52-vjeçarja është viktima e nëntë e prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerit dhe apelon qytetarët të respektojnë me shumë rigorozitet rregullat e izolimit dhe distancimit social si dhe të telefonojnë urgjencën kombëtare në numrin 127 në rast se kanë shenja të sëmundjes./abcnews.al

thumbs_b_c_be53cfaf2c700b5d621b074c1f3605f1.jpg
eri Ida15:17 | 26/03/2020

Në Kroaci është shënuar viktima e dytë nga koronavirusi. Mediat bëjnë me dije se viktima është një 74-vjeçar nga Zagrebi, i cili ka ndërruar jetë në Klinikën e Sëmundjeve Infektive, i cili ka qenë në respirator ditët e fundit për shkak të koronavirusit.

Drejtoresha e spitalit Alemka Markotiç tha sot në një konferencë për shtyp se një nga pacientët e saj me frymëmarrje ishte në gjendje kritike.

Kjo është viktima e dytë e koronavirusit në Kroaci, ku deri më tash gjithsej 481 njerëz janë sëmurë dhe 22 janë shëruar./abcnews.al

frike.jpg
eri Ida15:43 | 24/03/2020

Kamera e ABC News shkoi në lagjen e të infektuarit që u shoqërua për në banesën e fundit ditën e hënë. Pak banorë qarkullonin në zonë ndalonin me kurreshtje përpara lajmërimit të vdekjes të tij, pasi një një humbje jete në një moshë të re është pak e pabesueshme.

Ata shprehen të shqetësuar dhe për fatin e tyre dhe nxitojnë të kryejnë blerjet e nevojshme.

Ai është më i ri sesa ne por siç shpjegojnë tëafërmit ka qenë në Milano dhe kur është kthyer është përkeqësuar, kanë vdek edhe më të ri në Itali”, thekson një banor.

I infektuar në familjen Ismaili është dhe i ati i viktimës. Ai ndodhet në spitalin Infektiv dhe po vijon mjekimin. Ndërsa pjesëtarët e tjerë të familjes janë vetëkarantinuar. /abcnews.al

 

WhatsApp-Image-2020-03-23-at-15.22.47.jpeg
eri Ida14:50 | 23/03/2020

Këtë të hënë është përcjellë për në banesën e fundit 71 vjeccari i cili ndërroi jetë mbrëmjen e djeshme pasi ishte prekur nga koronavirusi. Ceremionia është zhvilluar nën masa të rrepta sigurie dhe pjesmarrëse në këtë ceremoni ka qenë vetëm bashkëshortja e 71 vjeccarit F.M. me origjinë nga Kuccova.

71-vjeçari ishte transportuar nga spitali “Shefqet Ndroqi” në “Spitalin Infektiv” përpara 7 ditëve. Ndërkohë bëhet me dije se i moshuari vuante nga disa sëmundje shoqëruese: kancer mushkërie, diabet mellitus, fibrilacion arterial dhe hipertension.

Ndërkohë bashkëshortja e tij prej 10-ditësh ndodhet e karantinuar në shtëpinë e saj në lagjen “1 Maji” në Kuçovë, që ditën që mori vesh se bashkëshorti i saj rezultoi pozitiv me koronavirus.

Në funeral ishin të stacionuar edhe forca të shumta policore, për të verifikuar respektimin e masave të sigurisë gjatë përcjelljes së tij për në banesën e fundit./abcnews.al

5e65676c18c7730c90ec0e1b.jpg
eri Ida09:24 | 20/03/2020

Ministri i Shëndetësisë i Turqisë, Fahrettin Koca, konfirmoi vdekjen e tretë nga koronavirusi i ri COVID-19.

Mediat vendase bëjnë me dije se  viktima e fundit nga koronavirusi është ish-komandanti i Forcave Tokësore, Aytaç Yalman.

Ministri turk i shëndetsisë ëhstë shprehur se testi i tij (fillimisht) ishte negativ, megjithatë, të afërmit e tij gjithashtu u testuan dhe disa prej tyre rezultuan pozitivë.

“Në një rast të tillë, rezultati i testit mund të jetë negativ në fillim, por ai mund të jetë pozitiv më vonë…Numri i vdekjeve (nga COVID-19) është tre”, tha ai.

I lindur në vitin 1940, Yalman shërbeu si komandant i Forcave Tokësore midis viteve 2000 dhe 2002./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono