Të tjera detaje ka bërë me dije policia në lidhje me ngjarjen e ndodhur sot në Lezhë. Siç bëhet me dije në njoftim denoncimin e ka bërë vetë 43 vjeçari Aleksandër Deda i cili ka thënë se i kanë bërë atentat. Menjëherë më pas policia ka shkuar në vendin e ngjarjes por nuk ka gjetur gëzhoja.
Lexo edhe: I shpëtoi atentatit për herë të dytë, ky është 43 vjeçari, si tentuan ta heqin qafe 2 vite më parë
“Sot rreth orës 14: 15, shtetasi A.D.,43 vjeç, banues në Lezhë ka njoftuar se në afërsi të një lokali në dalje të qytetit të Lezhës është qëlluar me armë zjarri në drejtim të tij, i cili nuk ka marrë asnjë dëmtim. Shërbimet e Policisë menjëherë kanë shkuar në vendngjarje dhe gjatë këqyrjes se vendit të ngjarjes dhe krehjes së zonës nuk kanë konstatuar gëzhoja“, thotë policia.
Grupi hetimor vijon punën intensive për zbardhjen e rrethanave të ngjarjes, si dhe për gjetjen dhe fiksimin e çdo provë që mund të çojë në identifikimin dhe kapjen e autorit/ëve.
/abcnews.al
