Deri në 700 izraelitë raportohet se kanë vdekur në sulmet e militantëve të Hamasit ndërsa luftimet vazhdojnë dhe dhjetëra avionë luftarakë sulmojnë Rripin e Gazës.
Të paktën 413 palestinezë janë konfirmuar të vdekur, me 2,300 të tjerë të plagosur, sipas ministrisë së Shëndetësisë në Gaza, shkruan Sky News.
Ditën e djeshme lëvizja islamike palestineze Hamas nisi sulmin më të madh ndaj Izraelit në vite, ndërsa pas bombardimit me raketa të lëshuara nga Rripi i Gazës, persona të armatosur kaluan kufirin.
Ndërsa sirenat paralajmëruese u dëgjuan në të gjithë Izraelin jugor dhe qendror, duke përfshirë Jerusalemin, ushtria izraelite tha se ishte në një gjendje lufte ndërsa kryeministri Benjamin Netanyahu thirri një takim urgjent të zyrtarëve të sigurisë.
Ky është përshkallëzimi më serioz që kur Izraeli dhe Hamasi luftuan një luftë 10-ditore në vitin 2021./abcnews.al
