Policia e Korçës ka arrestuar dy kontrollorë fizik në Drejtorinë Rajonale të Shërbimeve të Transportit Rrugor për korrupsion.
Në prangat e policisë kanë rëndë Fredi Gogo, 64 vjeç dhe Daniel Xhemo, 52 vjeç.
Në njoftimin e policisë thuhet se, “arrestimi i tyre u bë pasi janë kapur në flagrancë duke marrë shuma lekësh nga persona të ndryshëm, për të favorizuar regjistrimin e mjeteve pranë Drejtorisë Rajonale të Shërbimeve të Transportit Rrugor në Korçë, ku ndryshonin vitin e prodhimit të automjeteve me qëllim shmangien e taksave”.
Materialet i kaluan Prokurorisë së Korçës për veprime të mëtejshme./abcnews.al
