Loading ...Analisti Burim Hyseni pasqyroi situatën politike në Maqedoninë e Veriut duke u fokusuar edhe tek zgjedhjet që do të mbahen më 8 maj.
“Formimi i qeverisë së ardhshme besoj që do të jetë problem pas zgjedhjeve. Pra pas zgjedhjeve tek Maqedonia e Veriut mund të futet në krizë institucionale”, u shpreh ai.
Analisti Hyseni tha se opozita maqedonase e ka parë zgjedhjen e një kryeministri shqiptar si një çështje që rrezikon shtetin.
“Mendoj që opozita maqedonase çështjen e një kryeministri shqiptar e ka parë si një çështje që rrezikon shtetin. Partitë politikë maqedonase ndryshojnë qëndrimet e tyre në varësi të pozicioneve të tyre. Mendoj që në të ardhmen çdo subjekt politik shqiptar që fiton besimin e qytetarëve për të qeverisur nuk duhet të pranojë negociata të tilla siç edhe i kemi parë”, tha ai.
Gjatë intervistës analisti Hyseni tha se ideja për president konsensual ka rrjedhur si pasojë e veprimit politik të ish-presidentit të kaluar që sipas tij nuk ishte në shërbim të qytetarëve
“Duhet të bëhen ndryshime Kushtetuese në zgjedhjen e Presidentit, pasi duhet të zgjidhjet në Kuvend. Qëndrimet e subjekteve politike maqedonase dallojnë kur janë në pushtet dhe kur janë në opozitë. Presidenti ka kompetenca shumë të kufizuara”, përfundoi ai.
/abcnews.al/
