Kryetari i Bashkisë së Tiranës, Erion Veliaj, nuk ka asnjë ambicie tjetër brenda hierarkisë së Partisë Socialiste përveç se Bashkisë së Tiranës. Ai ishte i ftuar këtë të mërkurë në emisionin “Byro Politike” të Juli Xhokaxhi ku tha PD është e vetmja parti patriotike dhe se ndihet i nderuar që është pjesë e lidershipit të PS-së si anëtar i kryesisë.
Juli Xhokaxhi: Në ambicien tuaj politike po punoni për një hierarki më të lartë qoftë në parti, qoftë në institucione?
Erion Veliaj: Në parti jam në hierarkinë më të lartë të mundshme dhe jam i nderuar që jam pjesë e lidershipit të PS-së si kryetar i anëtarësisë. Për këtë ndihem vërtetë i vlerësuar. Është e vetmja parti patriotike, kur Saliu rresthonte botet për t’ia çuar Millosheviçit, kjo parti hapte dyert për emigrantët dhe për të gjithë refugjatët kosovarë. Kur Saliu i thoshte UÇK-së organizatë terroriste, kjo parti i trajnonte për të fituar luftën me të gjithë mundësinë që kishte. Kur i thoshte mos jepni Rambujenë, kjo parti bënte gjithë lobimin që Kosova të ishte e pavarur. Kështu që për mua është një nder të jem në lidershipin e PS-Së, është një shërbesë që e bëj me shumë dashuri dhe me shumë pasion, por hahet rrotë më rrotë me dashurinë dhe pasionin që kam për Bashkinë e Tiranës. E vetmja gjë që mendoj është data 1 Korrik kur të kenë mbaruar votimet, pa festë, pa fishekzjarre, pa tam-tame, pa farfuria, të fillojë asfalti, të hapen themelet e shkollës “Dritëro Agolli”, të fillojë rrjeti i ri i ujësjellësit tek “Astiri”, të bëjmë gjysmën e pedonales në Farkë. Kështu që kjo është e vetmja gjë që më obsesion dhe asgjë tjetër./abcnews.al
