Loading ...Një aksident i rëndë automobilistik ka ndodhur gjate natës në autostradën Levan-Vlorë.
Aksidenti mësohet të ketë ndodhur në vendin e quajtur mbikalimi i Novoselës, në aksin rrugor në drejtim të fshatit Akërni, dhe si pasojë e tij ka ndërruar jetë 24-vjeçari Albi Hoxha.
Automjeti i drejtuar prej tij është përplasur me barrierat mbrojtëse anësore të rrugës. Rreth 30 metra larg pikës së përplasjes është gjetur pa shenja jete 24-vjeçari nga Fieri.
I riu është dërguar në morgun e qytetit. Nga aksidenti ka mbetur edhe një person i plagosur.
Autoritetet ndodhen në vendngjarje dhe po kryejnë veprimet hetimore për zbardhjen e plotë të rrethanave të aksidentit./abcnews.al
