Barcelona pritet të pësojë shumë ndryshime gjatë merkatos së verës. Së fundmi nga Uruguai ka pasur lajme që e lidhin sulmuesin Luis Suarez me ish-klubin e tij, Ajaxin.
Diçka e tillë konfirmohet edhe nga gazetari Oriol Domenech, i cili në Twitter shkruan se kjo është e vërtetë. Ai shton se klubi holandez, disa javë më parë ia ka shprehur idenë për t’u rikthyer sulmuesit.
Jo vetëm kaq, pasi për Luis Suarez ka edhe një ofertë konkrete dhe ai duhet të vendosë se çfarë do të bëjë. Edhe Inter Miami në MLS interesohet për shërbimet e sulmuesit.
La información que ha aparecido en Uruguay sobre el interés del @AFCAjax por @LuisSuarez9 es cierta. Desde el club holandés ya hablaron personalmente con el delantero hace semanas para exponerle su idea y su oferta.
— Oriol Domènech (@orioldomenech) August 17, 2020
VIDAL – Interesim edhe për Arturo Vidal, këtë herë nga Franca. Antonio Conte që në janar e ka dashur mesfushorin tek Interi, por tani duket e vështirë për shkak të interesimit të PSG-së një vit para përfundimit të kontratës.
Në Kili, “La Cuarta” raporton se Vidal është kontaktuar nga drejtuesit e kampionëve të Francës dhe i është bërë me dije se janë të interesuar për të. Barcelona nuk e ka në plane mesfushorin, i cili nga ana e tij dëshiron ta respektoje kontratën. /abcnews.al
