Në orën 19:00, mitikun “Air Albania” do të “pushtohet” nga brohorimat e tifozëve, teksa në fushën e blertë do të zbresin “gjigantët” e futbollit shqiptar, “Bardheblutë” e Tiranës dhe “Demat e Kuq” të Partizant, në derbin e 172-të të kryeqytetit, ku nuk pritet asgjë më pak se spektakli nga këto skuadra.
Të dy ekipet vijnë me mungesa në këtë takim, gjithsesi trajnerët Ahmataj dhe Abilalaliaj kanë vendosur për formacionet e këtij takimi, ku qartazi në letër, “Demat e Kuq” kanë një ekip më të kompletuar se “Bardheblutë”.
Formacionet zyrtare:
Tirana: Abdullahu, Doka, Hoxhallari, Najdovski, Përgjoni, Lushkja, Deliu, Meta, Latifi, Abazaj, Hasani.
Trajner: Julian Ahmataj
Partizani: Qirko, Antanaskovski, Sembene, Hadroj, Murataj, Rrapaj, Maguette, Mehmeti, Cara, Taipi, Bintsouka.
Trajner: Arbër Abilaliaj /i.m /abcnews.al
