Facebook ka lajmëruar se do të mbyllë sistemin e tij të njohjes së fytyrës dhe do të fshijë gjurmët e mbi 1 miliard përdoruesve.
Mësohet se më shumë se një e treta e përdoruesve aktivë në Facebook kanë zgjedhur identifikimin përmes fytyrës, heqja e këtij sistemi, do të rezultojë me fshirjen e të dhënave të mbi 1 miliard personave.
Njohja e fytyrës ka qenë e disponueshme në Facebook që nga viti 2011, dhe në kohën kur debutoi, Facebook e aktivizoi funksionin automatikisht për më shumë se 500 milionë njerëz. Opsioni, i quajtur në atë kohë etiketim, ishte krijuar për të njohur përdoruesit e Facebook në fotot dhe videot e postuara nga përdorues të tjerë, duke etiketuar të gjithë njerëzit në foto. Njohja e fytyrës do të hiqet zyrtarisht “gjatë javëve të ardhshme”.
