Fotografi, libra, lodra fëmijësh dhe me qindra maska kundra-gaz janë mes sendeve personale të lëna pas në qytetin “fantazmë” të Çernobilit. Ndërtesat e braktisura janë e vetmja gjë që ka mbetur pas nga një komunitet dikur prej 50 mijë banorësh.
Qyteti i Pripyat-it në Ukrainë veriore u evakuua pas shpërthimit të Centralit bërthamor të Çernobilit në vitin 1986 dhe që atëherë nuk u banua më kurrë për shkak të nivelit të lartë të rrezatimit.
Eksploruesi urban Adam Mark e vizitoi zonën ekskluzive vetëm disa ditë më parë dhe filmoi pamje të reja të qytetit që duket sikur ka ngrirë në kohë. Në fotot e shkrepura mund të shihen lodra, libra dhe pajisje mjekësore pasi banorëve u thanë se mund të ktheheshin në shtëpi brenda tre ditëve.
Megjithatë, 35 vite më vonë, qyteti vijon të jetë i braktisur. Adam mbërriti në Pripyat me të dashurën e tij më 10 tetor dhe qëndroi gjashtë ditë duke vizituar vendi n me një guide jozyrtare. Gjatë udhëtimit të tij ai u fut në disa ndërtesa përfshirë edhe shkolla, qendra sporti, kafene, një spital dhe një morg. /abcnews.al/
