Debate të nxehta janë duke u zhvilluar në selinë e Partisë Demokratike. Lulzim Basha është kritikuar lidhur me vendimin e tij për të përjashtuar Sali Berishën.
Gazetari Juxhin Mustafaraj bën me dije se Tritan Shehu ka kundërshtuar përjashtimin. “Me vendimin për përjashtimin e Berishës vrave PD,” i ka thënë Shehu-Bashës.
Kundër këtij vendimi kanë dalë gjithashtu edhe Bujar Leskaj dhe Flamur Noka.
Lexo edhe: Berisha: Nesër do jem në parlament, Basha të jepte 5 herë dorëheqjen, shkelmoi PD-në
Kreu i demokratëve njoftoi këtë mbrëmje përjashtimin e Sali Berishës nga grupi parlamentar i PD. Basha e cilësoi si vendimin e tij më të vështirë, ndërsa tha se do të jetë në fuqi derisa të sqarohet çështje me SHBA-në.
Vendimin e përjashtimit të tij, Berisha e cilësoi si nul, duke theksuar se Basha ka qenë nën presion. Ish-kryeministri tha se Basha mund të jepte pesë herë dorëheqjen e tij dhe jo të merrte këtë vendim. Ndërkohë, në mbledhjen e grupit Basha ka thënë se vendimi për përjashtim është i padakordësuar me Berishën. g.v/abcnews.al
