Radhë kilometrike në Morinë, udhëtarët mbi dy orë në pritje për të hyrë në Shqipëri

Për të hyrë në Shqipëri nga Morinë edhe sot ka radhë kilometrike që shtrihen deri në thellësi të doganës së Kosovës. Qytetarët kanë më shumë se 2 orë që presin për të hyrë në vendin tonë pasi prej ditës së djeshme kryhen kontrolle për testin apo certifikatën e vaksinimit.

Ata ankohen për pritjen duke e quajtur të pajustifikueshme. Mësohet se policia kufitare po punon me kapacitet të plotë por fluksi I lartë I udhëtarëve e bën të pamundur normalizimin e situatës. /abcnews.al/