Në mëngjesin e 11 shtatorit 2001, një grup prej 19 rrëmbyesish hipën në katër aeroplanë të ndryshëm dhe kryen një seri sulmesh të koordinuara terroriste që do të kushtonin tre mijë jetë në SHBA. Nga ky moment udhëtimi ajror ndryshoi përgjithmonë, jo vetëm në Shtetet e Bashkuara, por edhe në mbarë botën.
Ngjarjet e 11 shtatorit “automatikisht, menjëherë, i shndërruan Shtetet e Bashkuara në një vend që është i fiksuar, në të gjitha mënyrat e vogla dhe të mëdha, me mbrojtjen e sigurisë së tij” shkroi historiani James Mann në 2018. “Mënyra me të cilën 325 milionë amerikanët kalojnë nëpër aeroporte ndryshoi më 12 Shtator dhe kurrë nuk u kthyen në atë që ishte më 10 shtator” tha ai.
Në fakt, masat më të rrepta të sigurisë janë vendosur që nga 14 shtatori, kur fluturimet u rihapën për civilët. Trupat u vendosën në aeroportet amerikane dhe udhëtarët u përballën me radhë të mëdha pasi procedurat u përshtatën me sistemet e reja, shkruan CNN.
Duke qenë se disa nga rrëmbyesit e 11 shtatorit kishin thika të vogla, i shtynë autoritetet amerikane të përjashtojnë nga aeroplanët gjithçka që mund të përdoret si armë: Thika, gërshërë, madje gjilpërat e thurjes tani janë të ndaluara.
Sidoqoftë, kufizimet që ende zbatohen sot në të gjitha aeroportet e botës janë formuar gradualisht, pasi terroristët po kërkojnë mënyra të tjera veprimi.
Në gusht 2006, një plan për shpërthimin e eksplozivëve të lëngshëm në fluturime të shumta futi në fuqi kufizimet për lëngjet, xhel dhe spërkatje në bagazhet e dorës. Po atë muaj, aeroportet filluan t’u kërkojnë udhëtarëve të hiqnin këpucët në kërkim të eksplozivëve.
Në Krishtlindjet 2009, një person u arrestua pas një përpjekjeje të dështuar për të hedhur në erë një pajisje shpërthyese që ai kishte fshehur nën rrobat e tij. Kështu, nga marsi 2010, makinat që “skanojnë” të gjithë trupin filluan të instalohen në aeroportet amerikane.
Që nga korriku 2017, pas dyshimeve se terroristët po planifikonin të fshehin pajisje shpërthyese të improvizuara brenda pajisjeve elektronike, autoritetet e aeroporteve kanë kërkuar që të gjitha pajisjet personale të vendosen nën kontrollin e rrezeve X.
Dhe sigurisht, dera e kabinës tani është e mbyllur fort për fëmijët dhe ata që duan të mësojnë se si të fluturojnë me një aeroplan. Dy vjet pas 11 shtatorit, dyert e mbyllura dhe të blinduara u bënë standarde në kabina./ db/Abcnews.al
