Kolegji Universitar Bedër ka nisur sot regjistrimi i studentëve në programet e ciklit të parë, për vitin akademik 2021-2022. Ashtu si të gjitha institucionet e arsimit të lartë në vend, këtë vit regjistrimet zhvillohen me 3 raunde, ku i pari nisi sot dhe zgjat deri në 15 shtator.
Numri i aplikantëve për programet e ofruara nga Kolegji Universitar Bedër është më i lartë krahasuar me vitin e kaluar, kur situata ishte më e paqartë për shkak të pandemisë. 30 % e programeve në Bedër ofrohen në gjuhën angleze nga pedagogë vendas dhe të huaj. Risi e këtij viti akademik do të jetë punësimi i studentit pranë kompanive më kryesore në vend, në të njëjtën kohë që kryen edhe sdtudimet.
Prof. Dr. Ferdinand Gjana – Rektor i Kolegjit Universitar Bedër: “Një pjesë e studentëve, që do fillojnë vitin e parë do kenë mundësinë që të bëjnë praktika të paguara pranë disa kompanive që ne kemi bërë marrëveshje. Është një nga eksperiencat e para në vend dhe kjo do jetë një risi, në aspektin e studimeve të integruara dhe praktikën. Nuk ka vetëm përfitim financiar që do jetë rroga e kompanisë por edhe një përfitim profesional. Që krahas teorisë do përfitojnë edhe praktikën.”
Programet më të kërkuara nga maturantët janë ato që lidhen kryesisht me teknologjinë dhe inovacionin, sic janë: shkencat kompjuterike, teknologji informacioni dhe komunikimi, marrëdhënie publike dhe komunikim marketingu, multimedia dhe dizajn grafik, programim në ëeb. Interes të veçantë vazhdojnë të kenë edhe degët më tradicionale, të tilla si drejtësi, shkenca komunikimi dhe gazetari, gjuhë angleze.
“Bedër më ofroi bursë, për shkak të notave. Vendosa të regjistrohem këtu. Teknologji Informacioni dhe Komunikim. Bedër ishte mundësia ime më e mirë. Vendosi të më ndihmonte në këtë rrugëtim tim drejt dijes.”
“Jam regjistruar në programin Shkenca Komunikimi për gazetari. E zgjodha se ishte ëndrra ime që e vogël dhe Bedër ishte i vetmi universitet që ma ofronte në mënyrë më të mirë të mundshme”
Regjistrimet bëhen pranë Sekretarisë Mësimore të Kolegjit Universitar Bedër, çdo ditë duke përfshirë edhe fundjavën, nga ora 08:00 deri në 16:30. Kandidatët që duan të studiojnë në Bedër, por që nuk kanë aplikuar në raundin e parë, mund ta bëjnë atë në Raundin e Dytë, duke përzgjedhur si preferencë të tyre programet e ofruara nga ky universitet. Aplikimet për raundin e dytë bëhen online në sistemin uAlbania, nga data 19 deri në 21 shtator./abcnews.al/
