Ditën e djeshme bëri bujë lajmi se Mbappe nuk dëshiron të rinovojë me PSG dhe Real Madrid ka bërë ofertë zyrtare prej 160 milionë eurosh, një vit nga fundi i kontratës.
Goal.com bën me dije se PSG nuk i është përgjigjur ofertës së Florentino Perez, por undësia më e madhe është ta refuzojnë. Nga ana tjetër Real Madrid në rrugë jo zyrtare ka bërë të ditur se nuk ka ndërmend të bëjë një ofertë më të lartë se aktualja.
Në Paris janë ndarë në disa mendime mbi shitjen dhe mbajtjen e Mbappe. Presidenti Al Khelaifi nuk e dëshiron shitjen e Mbappe, ndërsa të kundërtën mendon drejtori Leonardo. Gjithsesi vendimin final do e marrë vetë personalisht Emiri i Katarit, që është edhe pronari i klubit. /abcnews.al
