Kylian Mbappe është emri më i përfolur ditën e sotme në mediet më të mëdha në Europë. Ylli francez ka refuzuar ofertën e rinovimit me PSG.
Në kushtet kur kontrata i përfundon vitin tjetër dhe zgjatja është e pamundur, klubi është i detyruar ta shesë për të nxjerrë para nga largimi i tij.
Lajmi i fundit është se Real Madrid është vënë menjëherë në lëvizje. Mësohet se Florentino Perez ka bërë ofertë zyrtare prej 160 milionë eurosh.
Ende nuk ka përgjigje nga PSG, por me siguri do ketë shumë shpejt zhvillime konkrete, në një kohë kur ka mbetur edhe një javë nga mbyllja e merkatos. /abcnews.al
