Sipas një njoftimi nga qeveria britanike, personat e vaksinuar plotësisht nga Franca do të mund të hyjnë në vend pa iu nënshtruar masës së karantinës. Javën e kaluar, Londra hoqi të gjitha kufizimet për personat plotësisht të vaksinuar që vinin nga Shtetet e Bashkuara dhe vendet e BE-së.
Por për udhëtarët nga Franca kishte kufizime. Ky vendim nxiti kritika nga qeveria franceze e cila e quajti vendimin “diskriminues” dhe “të pabazuar te shkenca”.
Mbretëria e Bashkuar regjistroi më shumë se 29, 300 raste të reja të mërkurën. Vendi është përballur me rritje të rasteve për shkak të variantit Delta. Por numri i viktimave dhe shtrimeve në spital ka shënuar rënie në krahasim me muajin janar. Kjo i atribuohet fushatës së madhe të vaksinimit.
88.7% e të rriturve kanë marrë një dozë të një vaksine anti-Covid dhe gati tre të katërtat janë vaksinuar plotësisht./abcnews.al
