Eshtë shtyrë për në 4 Dhjetor seanca e shqyrtimit të padisë për shpifje e deputetit socialist Taulant Balla kundër kreut të PD, Lulzim Basha. Çështja po shqyrtohet në Gjykatën e Tiranës dhe kërkesa për shtyrje u bë nga avokati i Ballës. Ai kërkoi që klienti i tij të ishte prezent në sallë për të dhënë shpjegime lidhur me pretendimet e tij.
Balla nuk ishte i pranishëm sot në seancën gjyqësore, për shkak të një angazhimi zyrtar në Gjermani. Në padinë ndaj kryetarit të PD-së, kreu u grupit parlamentar socialist Balla pretendon se Basha ka shpifur në sallën e Kuvendit, kur lidhi emrin e tij me “Toyotat Yaris”, që u kapën në Durrës me 3.4 milionë euro pak ditë pas deklaratave të Bashës./abcnews.al
