Kylian Mbappe do të luajë një ditë te Real Madrid. Të shumtë janë ata që janë të bindur që ylli francez do të transferohet te “Los Blancos” në të ardhmen.
Andre Villas-Boas, në deklaratën e dhënë për Sport Bild, shpreh bindjen e tij që sulmuesin potent do e shohim në “Santiago Bernabeu” në të ardhmen.
“Unë mendoj se Mbappe do të përfundojë te Reali, herët apo vonë qoftë. Cristiano Ronaldo ishte yll kur nënshkroi me Realin dhe u bë edhe më i mirë.
Besoj se e njëjta gjë do t’i ndodhë edhe Mbappe“, deklaroi trajneri portugez, i cili drejtoi francezët e Marseille në dy sezonet e fundit.
Mbappe ka kontratë me PSG-në deri në verën e vitit të ardhshëm. Rinovimi po vonon dhe klubi kryeqytetas është i detyruar ta shesë për të mos e humbur me parametra zero. /abcnews.al
