Loading ...
Plagosje me thikë raportohet në Vlorë paraditen e sotme. Siç bën me dije gazetari Elton Nika, ngjarja ka ndodhur në afërsi të palestrës së mundjes në lagjen “Pavarësia”.
Sipas policisë i plagosur ka mbetur Ferdinant Petriti, 57 vjeç, banues në Vlorë. Ky i fundit është goditur me thikë nga Pilo Sevi si pasojë e një konflikti të çastit, për motive të dobëta.
I plagosuri është dërguar në spital, ku po merr ndihmë mjekësore. Mësohet se personat e përfshirë në konflikt janë komshinj.
Njoftimi i policisë:
Më datë 24.06.2021, rreth orës 11:00, në lagjen “Pavarsia”, si pasojë e një konflikti të çastit , për motive të dobëta, është goditur me mjet prerës(thikë), shtetasi F. P., 57 vjeç, banues në Vlorë.
Shtetasi F. P, aktualisht ndodhet në Spitalin e Vlorës nën kujdesin e mjekëve.
Gjithashtu ka shoqëruar në ambientet Policore autorin e dyshuar, shtetasin P. S., dhe po punon për sqarimin e plotë të rrethanave të ngjarjes.
g.v/abcnews.al
