E ardhmja e Kylian Mbappe duket se është më e qartë dhe dalëngadalë po tregohet se e ardhmja e tij nuk do të jetë në Paris. Prestigjiozja RMC bën me dije se Mbappe i ka komunikuar klubit se nuk dëshiron të vazhdojë dhe ka kërkuar ta shesin.
Por nuk është aq e lehtë sepse duhet gjetur një klub, që ka financat e duhura për të mbajtur një lojtar të tillë. I njëjti burim shton se Mbappe nuk ka besim në projektin e drejtorit sportiv, Leonardo.
PSG tashmë është vënë në lëvizje për të zëvendësuar yllin e Francës, një punë shumë e vështirë. Madrid është klubi që Mbappe dëshiron të transferohet, por mbetet për t’u parë sesa të gatshëm janë madrilenët për të investuar te ai. /abcnews.al
