Loading ...
Koreja e Veriut i ka dhuruar 300,000 dollarë Mianmar, një iniciativë e ndihmës humanitare të udhëhequr nga OKB. Fondi është një ndihmë për Mianmar, ku qindra njerëz kanë vdekur që kur ushtria rrëzoi qeverinë e zgjedhur të Aung San Suu Kyi në shkurt duke çuar në protesta të përgjakshme pro-demokracisë.
Hera e fundit që Koreja e Veriut ka ndihmuar një komb ka qenë në 2005, kur dhuroi 150,000 dollarë për Indonezinë, Indinë, Tajlandën, Malajzinë, Maldivet dhe Sri Lankën – pas një cunami që preku vendet në dhjetor të 2004.
Koreja e Veriut ka marrëdhënie të mira me Mianmar dhe vëzhguesit e OKB kanë thënë që Pyongyang po furnizon me armë vendin e Azisë Juglindore. Gjthashtu OKB po heton bashkëpunimin raketor midis dy vendeve.
Koreja e Jugut gjithashtu ka dhuruar 600,000 dollarë në përpjekjet e OKB për të mbështetur Mianmar por ka pezulluar mbrojtjen ushtarake dhe ka ndaluar eksportet e armëve në vendin e Azisë Juglindore./abcnews.al
