Loading ...
Tottenham është pranë emërimit të trajnerit të ri. Presidenti Daniel Levy ka negociuar me emra të ndryshëm gjatë kësaj periudhe, teksa i përzgjedhuri final është Paulo Fonseca, i cili u nda me Romën në fund të sezonit.
The Guardian shkruan se bisedimet e kryera në fundjavë kanë shkuar mirë dhe teknikun portugez e pret një kontratë 2-vjeçare, me opsionin e rinovimit me një tjetër vit nëse aventura londineze shkon mirë.
Në Angli bëjnë të ditur që zyrtarizimi i Fonseca do të ndodhë ditën e mërkurë. 48-vjeçari me origjinë nga Mozambiku, përveç Romës, ka drejtuar edhe skuadra si Shakhtar Donetsk dhe Braga më parë. /abcnews.al
