Tite, trajneri i Brazilit, ka publikuar listën e lojtarëve që do të ketë në dispozicion për ndeshjet e Copa America. Nuk ka ndonjë surprizë, veç lënies jashtë të Rodrigo Caio (Flamengo), i cili i ka lënë vendin mbrojtësit të Chelsea, Thiago Silva.
Veterani ishte dëmtuar në finalen e Champions League, por është drejt rikuperimit dhe do të jetë pjesë e Brazilit në Copa America. Tite ka ftuar vetëm 24 lojtarë, edhe pse lejoheshin 28 për këtë kompeticion.
PORTIERË: Alisson (Liverpool), Ederson (Manchester City) dhe Weverton (Palmeiras);
MBROJTËS KRAHU: Emerson Royal (Barcelona), Danilo (Juventus), Alex Sandro (Juventus) dhe Renan Lodi (Atletico de Madrid);
MBROJTËS QENDRE: Eder Militao (Real Madrid), Felipe (Atletico de Madrid), Marquinhos (PSG) dhe Thiago Silva (Chelsea).
MESFUSHORË: Casemiro (Real Madrid), Douglas Luiz (Aston Villa), Everton Ribeiro (Flamengo), Fabinho (Liverpool), Fred (Manchester United) dhe Lucas Paquetá (Lyon);
SULMUES: Everton Cebolinha (Benfica), Roberto Firmino (Liverpool), Gabriel Barbosa (Flamengo), Gabriel Jesus (Manchester City), Neymar (PSG), Richarlison (Everton) dhe Vinicius Jr (Real Madrid). /abcnews.al
