Më shumë të vaksinuar burra sesa gra në Indi

Në Indi, janë vaksinuar më shumë burra se gra, sipas të dhënave të qeverisë, duke theksuar pabarazinë gjinore që gjithashtu ka rritur edhe diferencimet në zonat rurale. Sipas të dhënave, India ka vaksinuar rreth 101 milion burra, gati 17% më shumë se gratë. Burrat përbëjnë 54% të numrit të përgjithshëm të personave të vaksinuar.

“Ne kemi vënë re se burrat, veçanërisht në qytete dhe fshatra, preferojnë të vaksinohen përpara grave pasi ata do të duhet të udhëtojnë për punë, ndërsa shumica e grave janë shtëpiake,” tha Prashant Pandya, punonjës shëndetësor.

India, me një popullsi prej 1.3 miliardë banorësh, ka rreth 6% më shumë burra sesa gra./abcnews.al