Sezoni është mbyllur dhe asnjëri prej lojtarëve nuk e ka sigurt fitimin e Topit të Artë apo të paktën të jetë më i avantazhuar. Një pjesë e mirë e njerëzve duan ta fitojë Ngolo Kante.
Paul Pogba, shoku i Kante në kombëtare shprehet se Kante duhet ta fitojë atë trofe sepse ai ka qenë vazhdimisht në nivele të larta dhe nuk ka bërë mirë vetëm muajt e fundit.
“E kam thënë kohë më parë se nëse Chelsea fiton Champions League, Kante duhet të fitojë Topin e Artë. Kante luan gjithmonë në të njëjtin nivel dhe ka treguar nivel të jashtëzakonshëm.
Kohët e fundit po flitet shumë për paraqitjet e tij në fund të sezonit, por ai gjithmonë ka luajtur në të njëjtën mënyrë”, u shpreh Pogba. /abcnews.al
