PSG firmosi disa muaj më parë me Mauricio Pochettino, por mediet e lidhin atë me një largim nga PSG këtë verë. Ditën e djeshme nga Franca u raportua se argjentinasi i ka kërkuar klubit largimin dhe kërkon të ndryshojë ambient, me Tottenham dhe Real Madrid si opsione.
Pas gjithë thashethemeve ka folur drejtori sportiv i PSG, Leonardo, i cili heq gjithë dyshimet dhe konfirmon Pochettinon në stol, teksa flet edhe për Tuchel dhe Thiago Silvan që u shpallën kampionë Europë me Chelsean në sezonin e parë pas largimit nga Parisi.
“Pochettino ka kontratë dy-vjeçare me ne, jemi shumë të kënaqur me të. Si e përjetova fitoren e Tuchel? Ndodh, është futboll, gjërat ndryshojnë (qesh). Këto cikle vijnë e shkojnë. Jam i lumtur edhe për Thiago Silvan, është fantastike ta shohësh në fushë edhe nëse luan i dëmtuar”, u shpreh Leonardo. /abcnews.al
