Vritet me plumb në kokë një person në mes të Athinës, mediat greke: Dyshohet se është shqiptar

Një sulm i armatosur ka ndodhur në Sepolia të Athinës. Mediat greke raportojnë se një person i cili dyshohet se është shqiptar është qëlluar më plumb në kokë dhe në trup, ku për pasojë ka ndërruar jetë rrugës për në spital.

Të shtënat u zhvilluan në “Rrugën 30 Durrachiou”, në një kafene. Policia mori një telefonatë në lidhje me incidentin në orën 17:55.

Pas sulmit të armatosur, thuhet se autori, sipas disa dëshmive, kishte hipur në një taksi dhe ishte zhdukur. Një ndjekje të tij është nisur policia dhe po punon për ta lokalizuar./abcnews.al/