Drejtori sportiv i Argjentinës, Hugo Tocalli ka rritur thashethemet që lidhin Sergio Aguero me Barcelonën edhe më tej. Tocalli punoi me dy lojtarët gjatë kohës së tij si trajner i Argjentinës U20 midis 2005 dhe 2007 dhe sugjeroi që marrëdhënia e tyre ka qenë e ngushtë vite më parë.
“Messi dhe Aguero kanë pasur marrëdhënie shumë të mirë për shumë vite, ata gjithmonë qëndronin së bashku në ndeshjet e kombëtareve të moshave, ishin miq të ngushtë që kur ishin fëmijë. Tani Messi mund t’i japë Sergios asiste te Barcelona”, u shpreh Tocalli.
Ndërkohë, dje ndoshta padashje Pep Guardiola konfirmoi se Aguero do të transferohet te Barcelona në verë. Kun do luajë finalen e Champions League me Manchester Cityn në fund të muajit dhe më pas do marrë rrugën drejt Katalunjës. /abcnews.al
