Është zhvilluar mbrëmjen e së martës ceremonia e ndarjes së çmimeve American Music Awards. Për të 46-in vit radhazi, ky event mbetet një ndër më të rëndësishmit në botën amerikane të muzikës.
Mbrëmja rezervoi surpriza nga më të shumtat dhe perfomanca të shkëlqyara nga emrat më në zë të muzikës. Lista e perfomuesve ishte e larmishme duke përfshirë një tribut për legjendën e muzikës soul Aretha Frankling dhe debutimin e artisëve të rinj. Ceremonia u hap nga këngëtarja Taylor Swift, e cila performoi këngën “I did something bad” nga albumi i saj i fundit “Reputation.” Interpretimi energjik u prit mirë nga fansat të cilët u shprehen shumë të entuziazmuar nga rikthimi i saj në skenë pas heshjtes disa mujore.
Cardi B gjithashtu performoi këngën e saj “I like it” në bashkëpunim me reperët Bad Bunny dhe J Balvin. E konsideruar si performanca me e arrirë e mbrëmjes, reperja tregoi se nuk ka ndërmend të ndalet edhe pas lindjes së vajzës së saj. Dhe pse në vitin e parë të karrierës Cardi ka arritur të gjenerojë një numër të madh fansash dhe të thyejë rekordin si e vetmja repere femër me 3 këngë në krye të klasifikimeve amerikane.
Edhe shqiptarja Dua Lipa spikati në skenën e AMA, ku performoi këngën e saj të suksesshmë “One Kiss” në bashkëpunim me DJ e famshëm Calvin Harris, por edhe këngën e saj më të re “Electricity.” Performanca përmbantë një koreografi energjike, e cila përshtatej më së miri me vokalin fantastik të Duas. Të tjerë performuaes ishin: Shawn Mendes; Mariah Carey; Jenifer Lopez; Camilla Cabello etj.
Por pjesa më e shumëpritur e mbrëmjes ishin dhe çmimet e dhëna ku edhe këtë vit suprizat ishin të shumta. Taylor Swift rrëmbeu 4 çmime, Camilla Cabello arriti të merrte gjithashtu 4 çmime, ndërsa Cardi B mori 3 të tilla./abcnews.al
Më poshtë lista e plotë e fituesve:
Artisti i Viti
• Taylor Swift
Artisiti i ri më i mirë
• Camila Cabello
Albumi më i mirë POP/Rock
• “Reputation” by Taylor Swift
Artisti më i mirë mashkull
• Shawn Mendes
Kënga më e mirë POP/Rock
• “Havana” by Camila Cabello
Artisti më i mirë Soul/RnB
• Khalid
Turi i vitit
• Taylor Swift
Artisti më i mirë POP/Rock
• Post Malone
Artisti më i mirë Rap/Hip Hop
• Cardi B
