Atletico Madrid e pret një përballje titulli të shtunën. Ekipi që kryeson kampionatin spanjoll do të luajë në “Camp Nou” kundër Barcelonës, që numëron vetëm dy pikë më pak. Katër ekipe po garojnë për fitimin e La Liga-s këtë sezon.
Mesfushori i Atletico Madrid, Geoffrey Kondogbia flet rreth duelit me ekipin katalanas. “Është gjithmonë e vështirë të luash në transfertë, u vu re edhe ndaj Elches. Ishte një ndeshje shumë e vështirë, por ia dolëm të merrnim tre pikët.
Duhet të vazhdojmë deri në fund me fitore. Unë u përpoqa të ndihmoj skuadrën sa më shumë, por të gjithë djemtë bënë një punë të mirë. Ndihemi mirë, por duhet të vijojmë të mbledhim sa më shumë pikë për t’u shpallur kampionë.
Barcelona? I njohim mirë, ata janë skuadër shumë e fortë. Duhet të kuptojmë sesi mund t’i mposhtim. Titulli kërkon fitore, do të tentojmë fitoren ndaj Barcelonës“, deklaroi “luftëtari” i mesfushës “Colchoneros”. /abcnews.al
