Statistikat thonë që Manchester United paraqitet më mirë kur Paul Pogba nuk është në fushë. Mesfushori francez nuk e dinte një gjë të tillë dhe pranon “fatin”, duke theksuar se nuk do mërzitej nëse Solskjaer do e ulte në stol.
“Le të më ulin në stol. Nuk isha në dijeni të kësaj statistike. Nëse United bën më mirë pa mua në fushë, atëherë do e mirëkuptoja vendimin e trajnerit për të më ulur në stol. Gjithsesi, kjo është një sfidë e bukur për mua.
Shpresoj ta ndryshojë këtë statistikë dhe ekipi të mbledhë më shumë pikë me mua në fushë”, thekson kampioni i botës për Canal+. Më pas vendosja taktike. Pogba ka dëshirë të luajë sa më afër portës kundërshtare. Në fund objektivi kryesor i tij dhe i klubit anglez.
United është me një këmbë në finalen e Europa League dhe mesfushori fton shokët të fokusohen te triumfi final. “Personalisht tentoj gjithmonë të jem vendimtar, edhe pse ka raste kur luaj larg portës kundërshtare. Le të themi që këtë sezon kam luajtur pak a shumë si Kante.
Objektivat? Jemi në lojë për të fituar një trofe: Europa League. Le të përqendrohemi te ky objektiv. Më pas më pret Euro 2020 me Francën, një kompeticion shumë i rëndësishëm“, deklaroi Pogba. /abcnews.al
