Më shumë se 150 milion raste të Covid-19 janë raportuar në të gjithë botën, dhe numri i infeksioneve të reja ditore tani ka arritur nivelet që nuk janë regjistruar kurrë që nga shpërthimi i koronavirusit, sipas një numërimi të bazuar në Agjencinë Franceze.
Që nga shpërthimi i virusit në Kinë në dhjetor 2019, janë regjistruar zyrtarisht 150,337,583 infeksione , nga të cilat rreth 6 milion në një javë, një rritje kryesisht për shkak të shpërthimit të rasteve në Indi, ku në shtatë ditët e fundit janënraportuar 2, 5 milion.
Numri i rasteve të reja ditore është dyfishuar që nga mesi i shkurtit. Pas valës së dytë të pandemisë, nga tetori në janar, ky numër ra në pak më shumë se 350,000 në ditë. Aktualisht, 821,000 raste të reja konfirmohen çdo ditë.
Shkaku është rritja eksponenciale e infeksioneve në Indi (18,762,976 raste) , një krizë shëndetësore që mund të jetë për shkak të llojit të mutuar të virusit që u identifikua fillimisht në atë vend, por edhe për sjelljen e disa qytetarëve si mosrespektimi me kufizime shëndetësore, siç është raportuar dje nga Organizata Botërore e Shëndetësisë (OBSH).
