Ambasadorja amerikane Yuri Kim ka përgëzuar kryeministrin Edi Rama dhe Partinë Socialiste për fitoren në zgjedhjet parlamentare të 25 prillit dhe kryetarin e Partisë Demokratike Lulzim Basha për atë që ajo e cilesoi si një fushatë të fortë dhe që u dha zë dhe frymëzoi shumë persona.
Ambasadorja Kim shkruan se duke njohur rezultatet e këtyre zgjedhjeve dhe duke bashkëpunuar me njëri-tjetrin, liderët politikë do të tregojnë se janë duke vepruar të përgjegjshëm për të mirën e shqiptarëve.
SHBA, shprehet Kim, pret tashmë që të forcohen më tej marrëdhëniet mes dy shteteve për demokracinë, mbrojtjen dhe biznesin.
“Ne vërejmë raportin paraprak të OSBE/ODIHR dhe presim atë final, që duhet të përdoret për të përmirësuar më tej zgjedhjet e Shqipërisë. Ne përsërisim që zbatimi i ligjit dhe gjyqësori të ndjekin penalisht cilindo që shkeli ligjin dhe pengoi të drejtën e qytetarëve për të votuar lirshëm dhe në paqe,” shkruan ambasadorja.
(1/3) We congratulate PM @ediramaal & the Socialist Party on their electoral victory. We also congratulate DP Chair @lulzimbasha_al for leading a strong campaign that gave voice to many & inspired hope. Most importantly, we congratulate the Albanian people, who spoke clearly. https://t.co/nDJWjiQnZb
— Ambassador Yuri Kim (@USAmbAlbania) April 28, 2021
Reagimi i ambasadores për zgjedhjet, vjen pas një deklarate të bërë nga Ned Price, zëdhënësi i Departamentit Amerikan të Shtetit, për zgjedhjet në Shqipëri.
Në një postim në Twitter, Price shkruan:
“SHBA uron shqiptarët për zgjedhjet e bëra së fundmi. Presim që të vijojmë partneritetin tonë të afërt me kryeministrin Edi Rama dhe përgëzojmë fushatën e fortë të opozitës. Respekti për rezultatet e zgjedhjeve legjitime forcon demokracinë e Shqipërisë.” sb/abcnews.al/
The U.S. congratulates the people of Albania on their recent elections. We look forward to continuing our close partnership with Prime Minister Rama and commend the opposition’s strong campaign. Respect for the results of legitimate elections strengthens Albania’s democracy.
— Ned Price (@StateDeptSpox) April 28, 2021
