Kate Middleton është e vendosur të marrë rolin e Mbretëreshës së ardhshme pas vdekjes së Princit Philip, pretendon një ekspert mbretëror. Biografi mbretëror Phil Dampier tha se Kate është “pjekur shpejt në rolin e saj'” teksa i afrohet 10 vjetorit të martesës me Princin William, i cili është në radhë për të marrë fronin pas babait të tij.
Dukesha e Kembrixhit thuhet se ka luajtur rolin e paqebërëses mes princit William dhe Harry në funeralin e Dukës së Edinburgut fundjavën që shkoi. “Kjo duhet të ketë qenë e vështirë pas asaj që Harry dhe Meghan thanë në intervistë por Kate po piqet shpejt dhe dëshiron të bëjë atë që është më e mira për familjen mbretërore.”, tha eksperti.
Javën e ardhshme, William dhe Kate do të festojnë 10 vjetorin e martesës së tyre. “Ajo ka marrë shumë nga cilësitë e tolerancës dhe pragmatizmit të Mbretëreshës, duke mos reaguar në mënyrë të tepruar ndaj situatave, por duke u përpjekur të vendosë se çfarë është më e mira në planin afatgjatë,” tha ai.
“Ashtu si Mbretëresha, ajo nuk mban inat ose kërkon hakmarrje. Kate e kupton që Mbretëresha ka nevojë për të dhe William më shumë se kurrë dhe ajo do të bëjë gjithçka që mundet për ta mbështetur atë,” shtoi ai. Phil gjithashtu shpjegoi se dukesha ka të ngjarë të marrë një rol më të madh si Mbretëresha, Charles, Camilla dhe Anne.
“Unë pres që ta shoh së bashku me Mbretëreshën në angazhimet publike në të ardhmen, si dhe anëtarët e tjerë të familjes. Me Mbretëreshën tashmë që bën 95, Charles, Camilla dhe Anne në të shtatëdhjetat e tyre, shumë gjëra po kalojnë tek William dhe Kate. Tani do të duhet të shkojnë si një mbret dhe mbretëreshë e ardhshme dhe Kate duket e gatshme për të luajtur rolin e saj”, tha eksperti. /abcnews.al
