Në kërkim për prostitucion dhe krime ndaj fëmijëve, kapet 50 vjeçari

Një 50 vjeçar është arrestuar nga policia e Krujës. Ai është Flamur Korriku 50 vjeç banor i Tiranës, por që fshihej në periferi të Fushë Krujës. Korriku ishte në kërkim ndërkombëtar i dënuar me 6 vite e 3 muaj burg nga drejtësia italiane, për veprat penale “Organizatë kriminale”,  “Shfrytëzim prostitucioni”, ” Trafik femrash”,  “Krime kundër fëmijëve”dhe  “Fallsifikim dokumentash” parashikuar në legjislacionin penal italian. Materialet i kaluan Prokurorisë së Rrethit Gjyqësor Krujë për veprime të mëtejshme./abcnews.al