“Pogba meritonte kartonin e kuq”, Mourinho gjen justifikimin e humbjes

Tottenham humbi 1-3 përballë Manchester United, një rezultat që i largon Spurs nga objektivi Champions League. Trajneri i ekipit londinez, Jose Mourinho vlerëson lojën e djemve të tij, teksa ka pretendime për një karton të kuq të munguar.

“Luajtëm kundër një skuadre të mirë, United ka futbollistë të fortë dhe cilësorë në mesfushë. Kishim disa raste për të dyfishuar, goditëm edhe shtyllën, po dominonim.

Unë mendoj se zhvilluam një ndeshje të mirë, nuk e meritojmë rezultatin që arritëm. Nuk kishim as fat, Pogba duhej ndëshkuar me karton të kuq te goditja me bërryl ndaj Aurier“, deklaroi Mourinho. /abcnews.al