ABC është pikënisja. Hapat e parë janë të rëndësishme dhe në vendin tonë për futbollistët ABC-ja nuk është e lehtë. Kushtet, niveli, organizimi i klubeve dhe shumë gjëra të tjera e kthejnë në një sfidë më vete rritjen e çdo futbollisti.
Gjithsesi, kur ke ëndrra të mëdha sfidat nuk janë asgjë. Në abcnews.al kemi menduar t’ju sjellim personazhe të ndryshme, të cilët do na tregojnë shumë gjëra për një periudhë shumë të veçantë, kur futbolli për ta ishte pasion dhe gradualisht nisi të shihej edhe si profesion.
E quajmë “Në kohën e ABC-së” dhe me siguri ata kanë shumë për të zbuluar dhe për t’ju treguar të rinjve të sotëm që asgjë nuk është e pamundur. Sigurisht për të ecur përpara duhet ta ulin kokën që në “Kohën e ABC-së”.
Ja nisim nga e hëna, me histori ku balta, mungesa e këpucëve, gjumi me fanellën e idhullit, ndonjë sherr, batuta e shumë gjëra të tjera zbulohen nga futbollistë që kanë bërë karrierë, apo që tani kanë hedhur hapat parë. Rrini në gatishmëri dhe çdo të hënë do ritakohemi, online, prej orës 20:00, me intervista nga më të ndryshmet. /abcnews.al
