Brazili ka regjistruar më shumë se 4,000 viktima në 24 orë nga koronavirusi.
Autoritetet shëndetësore bëjnë me dije se, një mutacion i Covid me transmetueshmëri të lartë ka ndikuar në rritjen e shpejtë të rasteve të infeksionit.
Ndërkohë në Brazil spitalet janë të tejmbushura me pacientë me Covid dhe sistemi shëndetësor në shuma zona është në prag kolapsi.
Numri i personave që kanë humbur jetën është rreth 337,000, duke u bërë vendi i dytë për numrin më të lartë të viktimave pas SHBA.
Nga ana tjetër presidenti brazilian, Jair Bolsonaro vazhdon të kundërshtojë çdo masë bllokimi për të parandaluar përhapjen e Covid-19.
Sakaq në Brazil janë zbuluar 92 variante të koronavirusit duke përfshirë edhe variantin P.1 i cili ka rrezikun më të lartë për shkak të transmetueshmërisë së lartë.
Variant i cili mendohet se fillimisht është regjistruar në nëntor të 2020-ës në Amazonë duke u përhapur me shpejtësi në Manaus.
/abcnews.al/
