Tirana, kampione në fuqi, shpreson ende te titulli dhe tashmë numëron pesë pikë më pak se Teuta dhe Vllazninë, kurse zona europiane është vetëm tre pikë larg. Bardheblutë janë në këtë situatë pas një tjetër fitoreje, këtë herë kundër Apolonisë me rezultatin 5-2 në “Air Albania Stadium”.
Një ndeshje që pati plot 7 gola dhe skuadra kryeqytetase e pa veten edhe në disavantazh. Tirana e zhbllokoi ndeshjen 19 minuta nga nisja e ndeshjes, pas një goditjeje dënimi të Idriz Bathës. Gjithsesi festa nuk zgjati shumë.
Levendi fillimisht barazoi dhe në minutat shtesë të pjesës së parë e kaloi Apoloninë në epërsi. Tirana në pushim mori këshillat e trajnerit Shehi dhe barazimi erdhi pas një gabimi të miqve, që u shfrytëzuar nga Seferi, i cili asistoi për argjentinasin Torassa.
Më pas Tirana fitoi një penallti që u kthye në gol nga Batha, kurse Ismajlgeci dhe Cale vulosën fatet e këtij dueli me dy gola të tjerë që futën fitoren në “kasafortë”. Sot u luajt edhe në Elbasan, aty ku Kukësi u zhyt në krizë nga Skënderbeu.
Korçarët morën fitoren e dytë radhazi, falë një goli të shënuar nga Mensah në pjesën e dytë. Tashmë Bylisi është vetëm katër pikë larg dhe skuadra e Memellit do mundohet që të sigurojë qëndrimin në Superiore, kurse Kukësi në vijim mund të rrezikojë edhe zonën “play-out”. / abcnews.al
TIRANA-APOLONIA 5-2
Shënues: Batha 19′, (pen.) 65′, Torassa 51′, Ismajlgeci 77′, Cale 91′ / Levendi 26′, 45+2′
TIRANA: Bekaj, Toshevski, Behiratche, Najdovski, Ismajlgeci, Batha, Toli, Çelhaka, Torassa, Halili, Seferi. Trajner: Orges Shehi.
APOLONIA: Harizaj, Diop, Haxhiu, Levendi, Mihana, Omeri, Shanaj, Smaçi, Sota, Repaj, Vasilj. Trajner: Fabrizio Cammarata.
KUKËSI-SKËNDERBEU 0-1
Shënues: Mensah 78′
KUKËSI: Tafa, Kotobelli, Lulaj, Kurdic, Dragoshi, Demiri, Taipi, Gashi, Ibraimi, Tsintsadze, Eze. Trajner: Mirel Josa.
SKËNDERBEU: Dajsinani, Vitija, Bajrami, Zguro, Meksi, Goncalves, Mara, Mensah, Vangjeli, Sadriu Berisha. Trajner: Migen Memelli.
78′ GOL SKËNDERBEU, Mensah ka ndëshkuar skuadrën e Kukësit me një goditje brenda zonës
77′ GOOOL TIRANA, Marsel Ismajgeci, me të majtën e tij, ka goditur dhe pas një devijimi topi përfundoi në rrjetë
66′ Idriz Batha realizoi me penallti në portën e Apolonisë dhe riktheu epërsinë
51 Gabim i Apolonisë në mbrojtjes, Seferi asiston për argjentinasin Torassa dhe ky i fundit e dërgoi topin në rrjetë
45+2′ Levendi ndëshkon për të dytën herë Tiranën, pas një kundërsulmi të shpejtë
26′ Apolonia ka vendosur baraspeshën me anë të të riut Levendi, i cili nuk gaboi pas një pasimi të Vasilj
https://streamable.com/uzpylm
19′ Tirana ka kaluar në epërsi me gol të realizuare nga Idriz Batha, pas ekzekutimit të një goditjeje dënimi
