Joachim Low lajmëroi disa ditë më parë largimin nga stoli i Gjermanisë pas përfundimit të Euro 2020. 61-vjeçari drejton “Pancerat” prej vitit 2006 dhe gjatë kësaj periudhe ka fituar Botërorin Brazil 2014 dhe Kupën e Konfederatave në vitin 2017.
Në konferencën për shtypin përpara takimit shtëpiak kundër Islandës për eliminatoret e Botërorit Katar 2022 (e enjte, 20:45), Low, emri i të cilit lidhet më një kalim te Real Madrid, flet rreth së ardhmes së tij.
“Nuk ia kam idenë se çfarë po ndodh me agjentin tim, por unë nuk dua të shoh dhe të dëgjoj asgjë. Unë nuk dua të krahasohem me askënd. E kam mendjen vetëm te impenjimi me kombëtaren në Europian. Nuk do të bisedoj me asnjë klub pa mbyllur aventurën te Gjermania.
Kompeticioni do të përfundojë në muajin korrik, dhe atë periudhë ekipet do të kenë zbritur në fushë për t’u përgatitur për sezonin e ri. Nuk mendoj se do të jetë e mundur të marr menjëherë drejtimin e ndonjë ekipi“, deklaroi Loë. /abcnews.al
