Studimi: Grimcat plastike kalojnë nga nënat në fetuse

Një studim i kryer te minjtë zbuloi se grimcat plastike në mushkëri kalojnë me shpejtësi në zemër, tru dhe organe të tjerat të fetusit. Ky është studimi i parë në një gjitar të gjallë që tregon se placenta nuk bllokon grimca të tilla, shkruan The Guardian, transmeton abcnews.al

Eksperimentet gjithashtu treguan se, fetuset e minjve të ekspozuar ndaj grimcave vunë dukshëm më pas peshë drejt fundit të shtatzënisë. Hulumtimi pason zbulimin në dhjetor të grimcave të vogla plastike në placentat njerëzve, të cilat shkencëtarët i përshkruar si një çështje shumë shqetësuese. Hulumtimet e hershme laboratorike mbi placentat njerëzore të dhuruara nga nënat pas lindjes kanë treguar gjithashtu se rruazat e polisterolit mund të kalojnë barrierën e placentës.

Ndotja mikroplastike ka arritur në çdo pjesë të planetit, nga maja e malit Everest në oqeanet më të thella, dhe njerëzit tashmë dihet se konsumojnë grimcat e imëta përmes ushqimit, ujit dhe ajrit, informon abcnews.al.

Ndikimi shëndetësor i grimcave të vogla plastike në trup është ende i panjohur. Por shkencëtarët thonë se ka një nevojë urgjente për të vlerësuar problemin, veçanërisht për zhvillimin e fetuseve dhe foshnjave, pasi plastika mund të sjellë kimikate që mund të shkaktojnë dëme afatgjata./e.b-abcnews.al