Adele është emëruar si artistja femër më e shitur e albumeve të shekullit, duke lënë pas Madonna, Pink dhe Rihanna.
Lajmi është bërë i ditur në Ditën Kombëtare të Albumit të këtij viti, e cili kishte si temë festimin e grave më Muzikë. Në njoftimin thuhej që Adele është një nga artistet femra më të shitura që nga viti 2000, si dhe ka një nga albumet më të shitura nga femrat.
Sipas të dhënave zyrtare të kompanisë Charts, të tre albumet e Adele shfaqen në 10 rekordet më të shitura nga femrat. Secili prej albumeve të saj – 17, 21 dhe 25 – janë certifikuar nga Brit si të paktën 8x Platinum në MB.
Në krye të listës ishte albumi më i suksesshëm i Adele, 21, i cili u publikua në 2011. Kjo u pasua nga Back to Black e Amy Ëinehouse, i cili mbush 15 vite në tetor, ndërsa albumi i Leona Lewis doli në vendin e katërt.
Geoff Taylor, Shefi Ekzekutiv i BPI dhe Kim Bayley, Shefi Ekzekutiv i Shoqatës së Shitësve thanë në një deklaratë të përbashkët: “Ne jemi të kënaqur që Dita Kombëtare e Albumeve po kthehet për një edicion të katërt, duke ndriçuar një dritë këtë vit mbi kontributin e jashtëzakonshëm që gratë japin në muzikë përmes formatit të albumit, mbështetur nga partnerët tanë zyrtarë Boëers & Wilkins dhe BBC Sounds.
Ndërsa mënyrat në të cilat tifozët shijojnë muzikën evoluojnë vazhdimisht, albumi mbetet thelbësor për vetë-shprehjen e artistëve dhe për të kuptuar nga fansat se çfarë ka për të thënë një artist. Dita Kombëtare e Albumeve është një mundësi për artistët dhe adhuruesit ashtu që të festojnë këtë art shumë të dashur dhe t’i kujtojnë vetes fuqinë e saj të vazhdueshme për të treguar histori, ndikuar dhe frymëzuar”.l.k/abcnews.al
