Pas bashkëpunimit të verës së kaluar që rezultoi një hit, pati një krisje mes Noizy-t dhe MatoLale-s. Përplasja arriti kulmin pas publikimit të këngës së këtij të fundit pak ditë më parë, që ishte një diss i hapur ndaj Noizy-t.
Në këngën “Resto”, reperi shprehet se nuk do ta harronte mbështetjen e Noizyt në fillimet e karrierës së tij, por e cilësonte si egoist. Kënga e tij solli reagimin e Noizyt, i cili i përmendi faktin se mori famë prej tij dhe se do t’i harrohej shumë shpejt emri ashtu siç ka ndodhur me të tjerët që kanë dalë kundra tij.
MatoLale iu përgjigj atij me disa komente të fansave të Noizyt, që tregonin mbështetjen për të. Pas kësaj përplasjeje virtuale, Noizy ka fshirë bashlëpunimin me MatoLalen. Kënga mbante titullin “Adrenaline” dhe ishte një një ndër hitet projektet më të suksesshme e cila gjeneroi miliona klikime në Youtube. /abcnews.al
