Korabi, pasi mundi kampionët e Tiranës, do i duhet të përballet me Vllazninë në çerekfinale. Shorti i vuri përballë pikërisht shkodranët, teksa pas ceremonisë për mediet foli presidenti i dibranëve, Fehmi Mëziu.
“Po luajmë me të gjithë ekipet e elitës, shorti dihej. Mirë do ishte të përballeshim me Dinamon, por i vlerësojmë të gjithë ekipet, është short i mirë.
Surprizë? Futbolli është i papritur , ne do e luftojmë si në të gjithë ndeshje. Do jetë ndeshje e luftuar nga djemtë, shpresojmë në rezultat pozitiv.
Nuk na vjen keq që na ra Vllaznia, ne kemi luksin të përballemi me ta sepse është djepi i futbollit shqiptar. Shpresoj të arrijmë atë që i kemi vënë vetes detyrë”, u shpreh Mëziu. /abcnews.al
